Fylkesmannen: Hytteforbodet i Vinje er ugyldig

Fylkesmannen i Vestfold og Telemark har konkludert med at hytteforbodet i Vinje er ugyldig.

Vinje-ordførar Jon Rikard Kleven (Sp) sa tidlegare i dag at han venta denne avgjerda, og kalla det ein skinnprosess etter at helseminister Bent Høie alt i dag til morgon kalla det forlenga hytteforbodet ulovleg.

Fylkesmannen meiner at det kommunen oppnår med eit forbod ikkje oppfyller hensikten med smittevernforskriften.

Fylkesmannen meiner den inngripen dette har i fridomen for norske borgarar til å bevege seg, ikkje står i forhold til kva ein oppnår.

Heile vedtaket frå Fylkesmannen finn du her.

Det var Varden som fyrst omtala avgjerda frå Fylkesmannen.

Til VG i dag uttala ordførar Kleven om signalet frå helseministeren om at forbodet var ulovleg:

– Det betyr at vi kjem til å få corona-smitte til Vinje i løpet av neste helg. Det har ikkje vi kapasitet til å takle.

Bakgrunnen for hytteforbodet til 27. april er at kommunen fryktar ei forsinka påskehelg neste helg.

Fylkesmannen presiserer i vedtaket sitt at dei tydelege råda om å ikkje foreta unødige fritidsreiser framleis gjeld.