Startar ved Moland bru: Skogsmaskinførar Guttorm Dalen (t.h.) er frustrert over dårlege vegparti og nedsett akseltrykk på den 11 kilometer lange fylkesveg 3424 Langlimvegen og tok med Bjørn Lauritzen, fagsjef for skogavdelinga i Maskinentreprenørenes forbund på synfaring.
Tone Tveit
Frustrert over fylkesvegen. – Har du ein infeksjon, hjelper det lite å setje på eit noregsplaster
Skogsmaskinførar Guttorm Dalen er frustrert over vegstandard og nedsett akseltrykk over lengre periodar på Langlimvegen. Seksjonsleiar for vegdrift ved Telemark fylkeskommune, Borgar Slørdal, forstår at dårleg veg er problematisk for dei som bur og arbeider langs fylkesvegane.
– Du skulle sett brua i vinter, med telehiv, seier skogsmaskinførar Guttorm Dalen medan han viser stoda for vegstandarden på Langlimvegen til Bjørn Lauritzen, fagsjef for skogavdelinga i Maskinentreprenørenes forbund.
Dei startar turen med å rusle over Moland bru som har tydelege kantar både ved innkøyring og utkøyring av brua.
– Slik har det vore i årevis, at det blir eit «spretthopp» inn på brua på grunn av telehiv. Her er vegen faktisk best når det er skikkeleg vinter, seier Dalen som er frustrert over dårlege vegparti og lengre periodar med nedsett akseltrykk på fylkesvegen inn til heimbygda Langlim.
5 veker - 5 kr
Deretter 189 per månad
Inga binding
KJØP
