Første salve for Noregs fjerde lengste tunnel
I dag starta drivinga av den 12,4 kilometer lange Røldalstunnelen på E134 Røldal-Seljestad, som skal bli Noregs fjerde lengste vegtunnel.
Den nye tunnelen skal gjere fjellovergangen E134 til ein meir føreseieleg reiseveg året rundt og fjernar 1000 høgdemeter på strekninga, skriv Statens vegvesen i ei pressemelding.
Tunnelen vil korte inn køyrelengda med 6,4 kilometer og redusere reisetida med 18 minutt for tyngre køyretøy og 12 minutt for personbilar.
I slutten av oktober startar entreprenøren også driving frå austsida ved Vetlehovden, slik at arbeidet skjer frå begge ender.
Før jul blir det vegopning med permanent omlegging av trafikken til det som skal bli Riksveg 13.
(©NPK)
