Omkom i drukningsulykke
Ein 76 år gamal mann frå Sandefjord mista livet i ei drukningsulykke på Borsæ på Skafsåheia torsdag.
Det stadfestar operasjonsleiar Anne Meyer til avisa Varden.
Politiet melde om at ein person var i vatnet etter at ein båt hadde gått rundt på innsjøen Borsæ på Skafsåheia i Tokke klokka 20.18.
Artikkelen held fram under annonsen.
Meyer opplyser til VG at det var ein forbipasserande som melde frå til politiet.
Ifylgje NTB var det ein 76 år gamal mann som mista livet i ulykka. Politiet melde klokka 23.33 at pårørande var varsla. Varden skriv at fredag at mannen var frå Sandefjord. Han var åleine i båten då ulykka skjedde.
– Det kan sjå ut som mannen anten har fått eit illebfinnande før han hamna i vatnet, eller at han av ein eller annan grunn har mista kontroll over båten, seier politiadvokat Kjell Ove Ljosåk til Varden.
