Dette er planane for det nye handelssenteret

Vinje kommune har sendt ut oppstartsvarsel for det nye handelssenteret på den gamle bilrutetomta i Åmot.

Det er Noregsgruppen som utarbeider planane for bygget, som ifylgje planforslaget skal huse verksemdene som i dag held til i Bratlandsbygget i fyrste etasje og leiligheiter i andre etasje. Bakgrunnen for handelen er kommunens kjøp av Bratlandsbygget, der dei skal byggje omsorgssenter.

Spar får god plass i det nye bygget, med nye lokale på 900 kvadratmeter – butikklokale på 806 kvadratmeter og eit lager. I tillegg vil det bli lagt opp til kafe og bakerilokale til kakeringen, butikklokale til Blomen, ein frisørsalong og eit næringslokale til utleige. I etasjen over skal det kome ti leilegheigheiter, fire kvar på høvesvis 60 og 66 kvadratmeter, og to noko større på kvar ende – ein på dryge 81 og ein på 121 kvadratmeter.

Vinje kommune har no lagt ut planteikningane til høyring, med frist 20. august for innspel. Kommunen vil også, i lag med Noregsgruppen, halde folkemøte «om lag i midten av august», men nokon dato er enno ikkje sett.

Zoom Førre Neste