Arne Martin Solbjør (t.h.) og Sigmund Lid har vore med å bygge opp Øyfjell bygdemuseum, og har hatt ei hand med i plassering eller innreiing i fleste av dei 12 bygga på tunet. Foto: Privat
Trovatn-brørne grunnla Øyfjell Bygdemuseum for snart 100 år sidan, og fekk reist det særprega samlingsbygget i granitt. Dei siste 30 åra har to andre karar bidrege til å få på plass nær sagt alle dei andre 12 bygga på tunet. Deira dugnadstimar ligg baka inn i laftekasser, åsar og innreiingar, i vegen, plenane og skråningane.
Dei har vore styremedlem i museumsstiftinga i minst fem periodar, men dei er stillferdige karar som ikkje er opptekne av å synast på bilete, og som helst ikkje tek ordet i forsamlingar – kanskje bortsett frå når forsamlinga er lita og dei har ei ømleg god historie på lager.
Før dei bretta opp ermene såg museet heilt annleis ut.
