Til minne om Birger Skipar

Birger på telefonen: «Me må vel ha ein fiske- og friluftsdag i år au. Når tid kan det passe at Sportsfiskarlaget og Friluftsgruppa i Vrådal IL har ein slik dag, trur du?». Og arrangement blei det med natursti, kaffibål og ikkje minst fiskekonkurranse i eit av dei mange vatna som Sportsfiskarlaget kultiverer i Vrådal. Dette er eit av mange døme på Birger sitt engasjement for naturglede, friluftsliv og fisketurar og det å spreie interessa si for dette til andre. Men Birger gjekk sjeldan ærendslaus i naturen. Jakt og fiske og bærhausting og mykje anna var viktige opplevingsfaktorar for han.