Skipresidenten kjem til å sakne eldsjela frå Åmdals Verk

Ho og andre i skiforbundet mottok før helga den triste bodskapen om at Steinar Berthelsen hadde sovna inn. Berthelsen vaks opp på Åmdals Verk og har både sysken og andre nære slektningar i Vest-Telemark. Berthelsen gløymde aldri røtene sine, sjølv om han tilbrakte mesteparten av sitt vaksne liv i Veggli. Det var jobben ved Numedal Folkehøgskule som førte han dit, og der vart han og familien på fire buande.

– Steinar har mykje av æra for at bygda og det lokale idrettslaget i fleire tiår har hatt eit godt hoppmiljø. Eldsjela engasjerte seg etter kvart også på krinsnivå. Først i hoppkomiteen i Buskerud skikrins, og deretter som krinsleiar i heile 12 år. Det var i denne samanhengen eg vart kjent med han. Det seier mykje om Steinars engasjement og arbeidskapasitet at han sat som krinsleiar så lenge som han gjorde, seier Moe Dyrhaug.

Dette trass i at han for 12 år sidan fekk påvist blodkreft, og nesten gjennom heile sin leiarperiode i skikrinsen kjempa mot den lumske kreftsjukdomen, som dessverre vart hans bane til slutt.