Annonse

Ein storslått dag i Langlim og Gullnes. Sjå bilda frå feiringa av koparverket

Laurdag var området ved grendehuset i Langlim gjort om til ein marknadsplass. Der kunne ein få kjøpt alt frå spisskål til heimespita vottar og fisk frå Sundsbarmvatnet. — Alle foto: Anne Sofie Tresland

Puljevis gjekk forsamlinga ned til gruvehola. Her ser me Kongens gruve, som visstnok er så høg at ein menneske kan gå oppreist der, men ikkje så brei at to kan møtast. — Alle foto: Anne Sofie Tresland

Eivind Svinjom frå Åmotsdal lurar på om han skal ta seg eit skjerp. Eit skjerp er, for dei som ikkje er kjent med bergverksdrift, ein stad der ein grev eller sprenger for å finne malm. — Alle foto: Anne Sofie Tresland

Sundsbarmvatnet sett frå Gullnes. Slik såg det på ingen måte ut på staden i dei hundreåra gruvedrifta varte. Vatnet blei oppdemt, og Sundsbarm kraftverk sett i drift i 1970. — Alle foto: Anne Sofie Tresland

Fylkesgeolog Sven Dahlgren fortalde om mange millionar år gamle begartar. For lekfolk usannsynleg mange millionar år. — Alle foto: Anne Sofie Tresland

Ein av slagghaugane i Gullnes. Kven som helst kan prøve å sjå føre seg slitet det var med å fyre og sprenge. — Alle foto: Anne Sofie Tresland

Kvedaren Ragnar Haugstøl syng «Storegut er med til kongen» av Aasmund Olavson Vinje. — Alle foto: Anne Sofie Tresland

Seljord og Kviteseid leikarring dansa både turdans og songdans før dei avslutta med springaren «Haslebuskane» til hardingfela av Sigmund Aasdalen. — Alle foto: Anne Sofie Tresland

Bergit Telnes heldt foredrag om gruvedrifta. I 1991 skriv ho hovudoppgåva si i historie om emnet. Til dei frammøtte kunne ho også fortelje at folk frå mange kantar hadde vore samla til dans i Gullnes under krigen. Heilt ulovleg, sjølvsagt. Og musikk? Moderne trekkspel! — Alle foto: Anne Sofie Tresland

Kapteinsbygningen frå 1860. Blir no bruka som hytte. — Alle foto: Anne Sofie Tresland

Utsikt over Sundsbarmvatnet frå Gullnes. — Alle foto: Anne Sofie Tresland

Kopi av gullnesdalaren; den fyrste dalaren av norsk type. Pregeåret er 1546. — Alle foto: Anne Sofie Tresland

Turid Sudgarden i Langlim grendelag og Peder Lindhjem i Seljord sogelag fekk samla meir enn to hundre og femti personar til Gullnesdagen. — Alle foto: Anne Sofie Tresland

Kjetil Haugan (t.v.), Kai Rune Flatland og Oddvin Haugen var to av sjåførane på dei fem minibussane som gjekk i skytteltrafikk den elleve kilometer lange vegen mellom grendehuset og Gullnes. — Alle foto: Anne Sofie Tresland

Kjøtsuppa som grendelaget selde var det ingenting å utsetje på. Full av kjøt var ho òg! — Alle foto: Anne Sofie Tresland

Denne veka fyller Ørjan Sudgarden tre år. Laurdag var han ute med sykkelen sin på plassen framom grendehuset. — Alle foto: Anne Sofie Tresland

Maten blei servert til soundtrack frå hardingfela til John Olav Lia. Her har 89 år gamle Hildegunn Haugen frå Gvarv slått seg ned for ein prat med Gunhild Sudgarden. Hildegunn er frå Bakken i Langlim og er den siste attlevande av ti systrar. — Alle foto: Anne Sofie Tresland

Før rallarfesten om kvelden låg bygda nokolunde stille og roleg. Boogie Cats spela opp til dans både for tilreisande, dugnadsfolk og bygdefolk elles. — Alle foto: Anne Sofie Tresland

Toralf Nordgarden (t.v.) syntest det blei i overkant mykje folk og russel nede ved grendehuset så han trekte opp på Leite. Der slo han av ein prat med dei som kom forbi – i dette tilfellet Dag Jarle Sveinsson. — Alle foto: Anne Sofie Tresland

Ein storslått dag i Langlim og Gullnes. Sjå bilda frå feiringa av koparverket

Anne Sofie Tresland

Anne Sofie Tresland Anne Sofie Tresland Anne Sofie Tresland Anne Sofie er journalist i Vest-Telemark blad

Publisert 02.09.2024 - 14:30 Sist oppdatert 02.09.2024 - 19:04

5 kr for 5 veker

Deretter 189 per månad

Inga binding

Allerede abonnent? Logg inn her

langlim arbeidsmarknad arbeidsliv biletseriar kultur kultur

Annonse

Annonse

Powered by Labrador CMS