Skatteoppgjer for 637 milliardar kroner i 2019
Skatteoppgjeret for 4,9 millionar personar og 345 000 selskap er nå ferdige.
Det samla skatteoppgjeret for 2019 viser at lønnstakarar, pensjonistar og personleg næringsdrivande til saman har betalt 539 milliardar kroner i skatt og avgift på inntekt og formue. 345 000 selskap har betalt til saman 98 milliardar kroner i skatt (unntatt skatteinntekter frå oljeverksemda).
3 millionar lønnstakarar, pensjonistar og personleg næringsdrivande fekk betalt tilbake til saman 39 milliardar kroner i årets skatteoppgjer, og 820 000 betalte restskatt på til saman 26 milliardar kroner. For dei som fekk skatt til gode var snittbeløpet 12 800 kroner mens snittbeløpet for dei som fekk restskatt var 31 800 kroner, melder skatteetaten i ei pressemelding.
Artikkelen held fram under annonsen.
– Dei fleste treffer godt med å betale riktig skatt gjennom hele året. Har du fått restskatt eller skatt til gode skyldas det at dine økonomiske forhold blei annleis enn grunnlaget for det rekna skattetrekket ditt. Du kan unngå dette ved å justere opplysningar i skattekortet gjennom året, seier skattedirektør Nina Schanke Funnemark i ei pressemelding.
— Virusutbrotet har påverka økonomien til mange. Er du ein av dei som blir ramma av inntektstap på grunn av koronaviruset gjennom permittering eller oppseiing, bør du sjekke opplysningane når du får skattekort for 2021. På den måten kan du lette din økonomiske situasjon ved at skattetrekket blir lågare. Lågare bankrenter er ein annan viktig grunn til å sjekke skattekortet, minner skattedirektøren om.
