Vart kåra til årets lokallag. – Folk føler seg velkomne i partiet vårt
Seljord FrP vart laurdag kåra til årets lokallag for 2023 i Telemark.
Carina Thorvaldsen, som er varaordførar i Seljord, meiner partiet har vore gode på bygge eit godt lag.
– Me jobbar godt saman og vil det beste for partiet, seier ho.
Artikkelen held fram under annonsen.
Lokalpolitikaren opplever at det er eit godt miljø i lokallaget og får stadig høyre at folk føler seg velkomne.
Medlemstalet har vore aukande og Framstegspartiet gjorde også eit godt val i Seljord.
Thorvaldsen er glad for at dei også har fått gjennomslag for ein del av politikken sin.
Ho set pris på at dei blir lagt merke til i fylket og fortel at Seljord FrP nå ynskjer å jobbe for eit sterkare FrP i heile Vest-Telemark. Frå før er det lokallag i Nissedal og Vinje. Thorvaldsen håpar på sikt at det også blir lokallag i dei andre kommunane.