Det blir høve til å tenne ljos utanfor samfunnshuset på Åmdals Verk i morgon kveld
I morgon kveld blir det ljostenning utanfor samfunnshuset på Åmdals Verk.
Dette skriv Tokke kommune på si Facebook-side sundag:
«Me har ingen å miste ...
Artikkelen held fram under annonsen.
Natt til laurdag køyrde ein bil av vegen, og ein av våre ungdomar mista livet. I slike stunder treng me kvarandre. Ta vare på kvarandre. Våre tankar gjeng særleg til næraste familie, foreldre og sysken.
Koronasituasjonen gjer at me ikkje kan møtast inne som me ynskjer. Men ute kan me vera.
Måndag 2. nov. kl. 19 vert det høve til å tenna ljos utanfor samfunnshuset på Åmdals Verk.»
Ulykka der ein 21-åring mista livet skjedde mellom Krossli og Bandaksli i Tokke kommune natt til laurdag.
