NM-medalje på Eivind i Tromsø

Eivind Gaastjønn har følt seg pigg etter de sterke prestasjonane i de to noregscuprenna i Bærum. Derfor var det kjedeleg at han skulle miste våpenet i bakken i Tromsø i helga. Han fekk derimot ein opptur på sundagens NM-stafett.

Skiskyttaren frå Dalen gjekk då ankeretappen for Telemark og Vestfold-laget som blei nummer tre i krinsstafetten. Oslo og Akershus og Buskerud var dei to einaste som hamla opp med Eivind og lagkameratane Nora Njølstad Randby og Ole Tafjord Suhrke på mixstafetten . Dermed blei det tredjeplass og bronsemedalje. Gaastjønn og Telemark og Vestfold hadde vore storfavorittar dersom Gro Randby hadde stilt til start. Ho har gått mykje IBU-cup i vinter. Men var ikkje med i Tromsø denne gongen.

Vestfold-jenta var med på krinsens gullag i fjor, blei erstatta av veslesøster Nora, som også er eit bra skiskyttaremne, men som til vanleg konkurrerer i ungdomsklassa. Ho veksla som nummer 13 etter første etappe. Ole Tafjord Suhrke gjekk fort på andreetappe. Han passerte nesten alle laga som låg føre. Eivind Gaastjønn fekk skulderklappet som nummer to og var dermed i medaljestriden.

Sølvmedaljen glapp

– Eg følte eg hadde los på sølvmedaljen etter ein feilfri og god liggande serie. Fort i sporet gjekk det også. Men eg hadde ein litt lurvete ståande serie, som resulterte i at eg måtte gå ein strafferunde. Det sto framleis ein blink att då eg var ferdig med ståande og min siste serie i Tromsø. Dermed blei det bronsemedalje, sa Eivind som var fornøgd med at det blei NM-medalje.

Eivind Gaastjønn har hatt fin formstigning i det siste. Han har følt seg i veldig bra slag i etterkant av dei to solide prestasjonane i noregscuprenna i Fossum og Bærum. Det var derfor ein forventningsfull Fyresdal-skiskyttar som sette seg på flyet og reiste nordover. Han hadde lyst til å prestere på normalprogrammet som hadde NM-status. Eit uhell før rennet spolerte den moglegheit.

– Eg var så uheldig å miste geværet i bakken. Det påverka banen til skota. Eg fekk heldigvis retta opp i det til stafetten. Men det var kjedeleg ettersom forma har vore mykje betre enn den har vore tidlegare i vinter. Nå ser eg fram til påskeferie og trening heime på Dalen. Planen er også at eg og bror min og ein fetter av oss skal til stille opp i ein stafett i Høydalsmo. Det er mest for moroskuld at me gjer det, seier Gaastjønn som avsluttar sesongen etter påske.