Reisepengar: Bjørn Nordskog gav Ida Strigen 5000 kroner i støtte til deltaking i VM. Foto: Elin Fjalestad

Ida (19) fekk støtte frå kommunen: – Det er ikkje kvar dag ein ungdom frå Kviteseid kvalifiserer seg til VM

I september kom Ida Strigen på andreplass i NM, og kvalifiserte seg dermed til VM i functional fitness.

– Det er ikkje kvar dag ein ungdom frå Kviteseid kvalifiserer seg til VM. Me ynskjer å støtte Ida, seier ordførar Bjørn Nordskog.

Måndag gav han henne eit stipend på 5000 kroner frå Kviteseid kommune.

– Dette er eit bidrag til reisa til VM, sa ordføraren

VM blir arrangert i Mexico i desember. Der blir det ulike øvingar innanfor styrke, kraft, uthald, koordinasjon og kroppsvektsøvingar.

Og Strigen er godt i gang med oppkøyringa.

– Eg trenar to økter om dagen, fem dagar i veka, seier ho.

Artikkelen held fram under annonsen.

Strigen studerer idrett på universitetet i Bø. Og trener på CrossFit Heimen i Bø.