Ny krinsrekord: Herman Hogstad Sveinsson, Seljord IL, sette ny krinsrekord på 200-meter. Foto: Privat

Herman sette ny krinsrekord på 200 meter

Laurdag sette Herman Hogstad Sveinsson ny krinsrekord på 200-meter i klassa for G16 med tida 22,62.

Den tidlegare rekorden som Sveinsson delte med Simen Sigurdsen frå Herkules var på 22,97 sekund (1074 tyrvingpoeng). Rekorden vart sett i Greveskogen Idrettspark i Tønsberg.

Sveinsson fekk god konkurranse frå Sebastian Berntsen Tønsberg IF laurdag, men trakk det lengste strået til slutt.

Tida er så god at den ligg under kvalikk-kravet for NM senior.

Seljord IL friidrett melder også at to andre seljordingar gjorde tinga sine bra på stemnet. Emma Hagen sette ny personleg rekord og femtebeste tid i Noreg i år med tida 27.56 sek (964 TP) på 200 meter og 8.34 sek (975 TP) på 60 meter.

Leah Maria Prestholt Lorne krøyp under 9 sek på 8.99 (800 TP) og personleg rekord på 60-meter.