Ytterlegare to tilsette på sjukehuset Telemark er smitta av koronaviruset

Det er påvist koronasmitte hos ytterlegare to tilsette ved sjukehuset Telemark.

Det melder sjukehuset i ei pressemelding sundag.

– Personar som har vore i kontakt med desse blir kontakta i løpet av dagen, melder sjukehuset.

Den eine tilsette jobbar ved kreftpoliklinikken. Den andre i akuttmottak.

Sjukehuset og aktuelle kommunar vil kartleggje kven dei tilsette har vore i kontakt med på jobb og i fritida. Ingen av dei tilsette har vore i utlandet.

– Dei tilsette har halde seg lojale til råda frå helsestyresmaktene og sjukehusets retningsliner, heiter det i pressemeldinga.

I går meldte sjukehuset at ein tilsett var smitta av koronaviruset.