Politiet åtvarar mot tjuveri frå anleggsanlegg i joli
Lite aktivitet på anleggsområda i jolehøgtida, passar tjuvane godt. Politiet ber bransjen vera føre var.
I starten av desember meldte politiet om innbrot i tre anleggsmaskinar på Manheimstrondi i Seljord. Blant det som var stole var fleire GPS-ar til «betydeleg verdi».
Fredag sendte politiet ut pressemelding. Fleire politidistrikt har meldt om liknande tjuveri.
Artikkelen held fram under annonsen.
– GPS-utstyret er dyrt og det er all grunn til å tru at det er grupper som er spesialiserte på denne type verksemd som står bak tjuveri, seier Bård Olav Fossan ved Drammen politistasjon i Sør-Aust politidistrikt.
– Me går nå inn i julehøgtida med svært avgrensa aktivitet på anleggsområda. Politiets oppmoding til firma som eig slik maskinar er at ein tek forholdsreglar med tanke på å unngå tjuveri. Anten kan ein fjerne dette utstyret frå maskinane, eller at ein i alle fall parkerer maskinane på område som er godt opplyst og med innsyn, melder Fossan vidare.
Politiet har vore i kontakt med nokon av dei store entreprenørfirmaa for å åtvare mot denne typen kriminalitet.