No kan du vipse også til Sverige

Frå og med i dag er det mogleg å bruke Vipps til å sende pengar til Sverige. Tidlegare i sommar vart det mogleg å gjere dette også i Danmark og Finland.

Dansk-finske MobilePay slo seg saman med den norske betalingstenesta Vipps i sommar.

Sidan då har ein enkelt kunne sende pengar over desse landegrensene på same måte som mellom nordmenn, melder TV 2.

Svenske Swish vart invitert med i samarbeidet, men takka nei. Dermed har Vipps etablert seg sjølvstendig i Sverige, og frå og tysdag kan ein altså bruke tenesta også i vårt næraste naboland.

– Vi har som mål å forenkle heile Norden. Derfor er vi utruleg glade og spende over at vi no er tilgjengeleg i Sverige, seier Vipps-sjef Rune Garborg i ei pressemelding.

Ifølgje han har utvidinga i sommar til Danmark og Finland vore ein suksess.

(©NPK)