Fyrste smittetilfelle i Nissedal
På heimesida til Nissedal kommune blir det i dag 21. mai stadfesta at ein nissedøl er smitta av korona. Personen blei smitta i eit studentmiljø utanfor kommunen, men avla positiv prøve i Nissedal.
– Personen er isolert, og alle nærkontaktar er sett i karantene. Smittesporingsteamet har gått breitt ut og har så langt god kontroll på situasjonen. Kriseleiinga fylgjer situasjonen tett, og smittevernlegen har ansvar for handteringa lokalt, skriv kommunen.
Artikkelen held fram under annonsen.
Fram til dette fyrste koronatilfellet i Nissedal, var det tatt over 700 negative testar av nissedølar etter at pandemien braut i fjor vår.
