Fyringsforbod i heile Vest-Telemark
Fredag innførte brannsjefen i Vest-Telemark fyringsforbod i heile regionen.
Det betyr at det er forbode å gjere opp eld som å brenne bål, bruke grill, stormkjøkken, andre kokeapparat, bålpanner og anna brenning med fast brensel (ved, kol, brikettar, gras, greiner o.l.) i skog og anna utmark, samt innmark med unntak av grilling i eigen hage, på parkeringsplassar, skulegardar og idrettsplassar som ikkje er i eller i nærleiken av skog og anna utmark.
Forbodet gjeld også sankthansbål og tilrettelagde bål- og grillplassar.
Artikkelen held fram under annonsen.
Det opplyser brannsjef Torbjørn Lia på kommunane sine heimesider.
Forbodet gjeld frå og med fredag 16. juni, og gjeld i Seljord, Kviteseid, Nissedal, Fyresdal, Tokke og Vinje kommunar.
Forbodet gjeld inntil vidare, men ikkje lenger enn til 31. juli.
