På loppemarked: 

Markus Meinstad Veting har selt litt gamle leiker.

For Markus var det lett å finne leiker og bøker han ville selje. Og planen for inntekta er klar

Sundag var det loppemarked i Kviteseidbyen. Leiker og klede, krims og krams og mange gode kupp kunne freista i vårsola. 

Kari Smeland
Kari Smeland Journalist
Publisert

Dei siste åra har Frivilligsentralen arrangert loppemarked i Kviteseidbyen på våren. Sundag var det igjen tid for å rydde i kjellar og buer, og finne seg ein plass i bryggeparken. 

Systrene Alma og Isabella Pollestad har tatt turen saman med mamma Kathrine. Dei sel klede, tøflar, bøker og leiker. Mellom anna. 

– Me har selt ein ting til nå. Det var ei hårbøyle med pynt på, seier Alma. 

Systrene Isabella (f.v.) og Alma saman med mamma Kathrine Pollestad.

Ho fortel at det slett ikkje var vanskeleg å finne noko ho hadde lyst til å selje, men for veslesyster Isabella var det ikkje like enkelt. Likevel har dei laga seg ein fin stand, med mykje forskjellig til sal. 

Og Alma har ordna seg ei god avtale med mamma. 

– Mamma seier at eg skal få pengane som me tener, fortel ho. 

Markus Meinstad Veting har selt både bøker og leiker.

Markus Meinstad Veting har også laga seg ein fin stand. Det var ikkje vanskeleg å finne noko heime som han ville selje, og så langt har han selt både bøker og småfigurar. 

– Eg var litt lei av det, seier han. 

Men kva skal bruke pengane han tener på? 

– Lego, svarar han kjapt med eit lurt smil. 

Tallev Sandland (f.v.), Lucas André Bonachea-Kåsi og Torjus Selnes Midtsund både sel og handlar litt på loppis.
Tommel opp til salet frå Fride Draugedal Birkeland (f.v), Maren Stensrud Flatland og Vilde Heggtveit Steinbakk.
Sander Meinstad Veting (f.v.), Vegar Eikland, Espen Eikland og Even Eikland sel fotballkort dei har frå før og litt gamle leiker. – Ting me er leie av, fortel gutane.
Shanaia Wagner (t.v.) og Maren Tønnesland Råmunddal viser fram litt av fangsten etter nokre rundar i bodene.
Shanaia Wagner (t.v.), Maren Tønnesland Råmunddal får nokre gode kjøp av Oda og Tallev Sandland.
Oda og Tallev Sandland har rydda i leikene sine.
Ein god del hadde tatt turen på årets loppemarked i Kviteseidbyen.

– Trur eg kjem neste år også

Benita Bech frå Seljord besøker loppemarknaden for fyrste gong. Ho er førebels fornøgd med salet. 

– Eg har selt tre ting, og nesten ein fjerde, smiler ho. 

– Og så er det masse blide folk og det er koseleg å stå her. Det er fyrste gong eg er her, så eg tenkte eg fekk hoppe i det. Eg trur eg kjem neste år også. Det er triveleg å kome ut å møte folk på ein sundag, legg ho til. 

Sitt fyrste loppemarkedbesøk gav meirsmak for Benita Bech. – Eg trur eg kjem neste år også, seier ho.
frivilligsentralen nyhende kviteseidbyen loppemarked
Powered by Labrador CMS