FHI: To influensavirus i utbrot – kan bli ny sjukdomstopp på seinvinteren

Influensautbrotet er allereie godt i gang. Det var ein auke i talet på positive testar frå veke 51 til 52, og andelen positive testar gjekk frå 13 til 16 prosent.

Til samanlikning mot fjoråret er det ein nedgang frå 25 prosent.

– Det er hovudsakleg influensavirus A som blir påvist. Blant desse er det no omtrent like mykje subtype H1N1 som H3N2, med ein gradvis aukande førekomst av H3N2, som kan vere i ferd med å komme i fleirtal. Vi har med andre ord to influensavirus i utbrot samtidig, skriv Folkehelseinstituttet (FHI) i vekerapporten sin.