Fått ny, kort frist til å fremje konsesjonssaka hos Sivilombodet. – Ein tøff skvis

Siv Reidun Eide eig gardsbruket Settongslid i den vesle grenda Smørklepp i Tokke kommune. Ho har fått avslag på søknaden om konsesjon, og har nå fått frist til 5. juni om å fremje saka for Sivilombodet.

Saka ligg nå hos Diskrimineringsnemnda. Til VTB fortel Eide at det er klart at prosessen hos nemnda kjem til å ta lang tid.

– Diskrimineringsnemnda har ein omfattande saksgang, der både dei som stemnar og dei som er stemna får høve til uttale, å sjå kvarandre sine uttalar. Det er deretter nemndhandsaming og høve til å komme med innspel frå alle partar på nemnda sitt utkast, før endeleg nemndmøte, opplyser Eide.