Vesttelar til topps i Høydalsmo

Tre løparar frå Morgedal, to vinbyggjar og ein seljording vann alle klassane sine i krinsrennet i Høydalsmo i helga.

Det var meir enn 200 påmeldte løparar i laurdagens krinsrenn. Fleire vesttelar hevda seg i toppen av resultatlistene. Blant desse var Adrian A. Pedersen, frå Morgedal IL. Han vann 11-årsklassa. Til topps gjekk også klubbvenninnene Ingerid Vadder (J14 år) og Gunhild Kvålseth (J15).

I båe klassane var det vesttelar på andreplass: Sigrid Vinjerui, Byrte IL, var 26 sekundar bak Ingerid Vadder, medan Guro Ingebjørg Kleiv, Vinje IL, var 59 sekunder bak Kvålseth i 15-årsklassa.

   Sigrid Jonassen Verpe frå Vinje IL gjorde reint bord i klasse 13 år. Ho kapra fyrsteplassen, 37 sekundar før nestemann. Ein annan som var å sjå øvst på pallen var seljordingen Brynjar Heggelund Grave, som sikra fyrsteplassen på fem kilometer for gutar 16 år.

   Fleire vesttelar gjekk inn til gode plasseringar. Ingrid Stigen Byggland, frå Høydalsmo IL, fekk 3. plass i klasse 12 år. Det same gjorde Øystein Haugeberg Midtbø, frå Vinje IL, hjå gutane. Dei gode resultata heldt fram i familien Midtbø. Storebror Olav Haugeberg Midtbø, Vinje IL, vart også nummer tre i si klasse (G13). Daniel A. Pedersen, Morgedal IL, blei nummer tre i 14-årsklassa.

Åsne Margrete Kleiv frå Vinje IL var einaste løpar til start i klasse 17 år. I seniorklassa for menn på 10 kilometer, blei det andreplass på Ånund Lid Byggland frå Høydalsmo IL.