Den kalde fine tida …
Det kvite teppet legg seg over Vest-Telemark og skisesongen har starta.
Sola braut gjennom fleire stader og laga ei flott ramme då mange nytta fridagen og kanskje tok den fyrste skituren for sesongen laurdag.
Sesongopning var det også ved Vierli turistsenter på Rauland der dei opna delar av terrengparken og barnebakken for skileik og moro.
Artikkelen held fram under annonsen.
Langrennsarenaen mellom Rauland høgfjellshotell og Vierli inviterte også mange ut på tur i flotte preparerte trikkespor gjennom landskapet.
Løypemannskapen jobba iherdig med å lage fleire spor der det er nok snø, og var mellom anna laurdag ute å laga spor ved Uvatn og blåløypa og skulle vidare ned mot nedre del av sentrum. Dei melde om gode tilhøve etter snøen som hadde kome det siste døgnet.
Løypemannskap fleire andre stadar i Vest-Telemark var også på plass for å lage langrennsspora klare for sesongen.
