Tokke kraftverk blir freda av Riksantikvaren

Kraftverka var heilt sentrale i framveksten av norsk industri og velferdssamfunn. Nå blir ei rekke kulturminne frå kraftverkshistoria freda.

– Mange kraftstasjonar er storslåtte byggverk i storslått natur. De er med god grunn blitt kalt Noregs katedralar og vitnar om over 100 år med imponerande samvirke mellom kultur- og naturkrefter. Kraftverka fortel historier om korleis det moderne Noreg har utvikla seg, og dei har forårsaka viktige debattar om samfunnsprioriteringar som framleis har aktualitet, seier klima- og miljøminister Sveinung Rotevatn (V) i ei pressemelding.

– Kraftverka blei arkitektoniske og tekniske symbol for nasjonsbygging, modernitet og framskritt. Nå tar vi vare på eit utval av desse anlegga for ettertida, seier riksantikvar Hanna Geiran i pressemeldinga.

Dei utvalte anlegga som blir freda er frå ulike stadar og viser ulike sider av vasskrafthistoria. Anlegga er frå tidleg 1900-tal og fram til 1985 og viser utviklinga frå kraftstasjonar og røyrgater i dagen til høgteknologiske kraftstasjonar i fjell.

Fredninga blei vedtatt av Riksantikvaren 31. august 2020, og vil bli markert med eit arrangement våren 2021 ved Glomfjord kraftverk.