Nå har dei spela inn Netflix-film i Rauland
Den romantiske jolekomedien «Så var det jul igjen», som er spela inn på Rauland, får premiere på Netflix i joli 2023.
VTB skreiv om produksjonsselskapet som i januar jakta på eit triveleg tun og ein lun, koseleg heim i Rauland til innspelinga av den romantiske jolefilmen.
Nå melder filmselskapet Motion Blur, som tidlegare har stått bak filmar som Troll og Den 12. mann, at fire veker med innspeling i Rauland er i mål, og at «Så var det jul igjen» får premiere på Netflix til jol.
Artikkelen held fram under annonsen.
Filmen handlar om Thea som reiser til heimbygda for å feire norsk jol med familien. Men i år har ho med seg Jashan, den indiske kjærasten. Det som skulle bli ei helt vanleg jol, utviklar seg snart til ein turbulent og hjartevarm feiring som snur opp-ned på tradisjonar og tvingar familien til å finne jolegleda på ny, skriv filmselskapet.
Hovudrolleinnehavar Ida Ursin-Holm kjem frå Bø. I tillegg til sceneerfaring, har ho spela i filmar som «Amundsen», «Askeladden – i Dovregubbens hall» og «Jentetur».
Så var det jul igjen
Ida Ursin-Holm spelar Thea, medan Kanan Gill er Jashan. Birollene i filmen er: Marit Adeleide Andreassen (svigermor Anne-Lise), Mads Sjøgård Pettersen (Theas eks kjærast).
Forfattar og regissør: Petter Holmsen
Produsentar: Espen Horn, Kristian Strand Sinkerud og Jenny Victoria Jærn
Produksjonsselskap: Motion Blur
Distributør: Netflix
