Lovande trio: Johannes Lønnestad Flaaten (i midten) og Ingerid Vadder vann begge sine klasser. Brynjar Heggelund Grave blei nummer to. Foto: Privat

Ingerid var raskast av alle

Sjølv om ho er fyrsteårsjunior var Ingerid Vadder frå Ordal raskare enn både juniorlandslagsløpar Marianne Bergane og Kristine Stavås Skistad frå rekruttlandslaget i det siste rennet før nyttår.

Vadder, som representerer Morgedal IL, vann 17-årsklassa i Svarstadrennet måndag. Med tida 13.50 var ho ni sekund raskare enn Maren Halle Haugen (IL Runar) som blei nummer to.

Om ein ser prestasjonen i ljos av dei andre jenteklassene blir den endå meir imponerande. Margrethe Bergane som er ein del av juniorlandslaget går i K19/20. Ho blei klokka i mål på 14.02. I seniorklassa hadde både Vilde Flatland og Kristine Stavås Skistad dårlegare tider enn den talentfulle løparen frå Ordal.

Fleire på pallen

Og det var fleire vesttelar som gjorde det solid i fjorårets siste renn. Johannes Lønnestad Flaaten frå Seljord og Morgedal IL vann 18-årsklassa. Han var nesten eit halvt minutt raskare enn Marius Rønningen Skaug frå Svarstad som blei nummer to. I den same klassa gjekk Erik Brostigen Ringhus, IL Rein, inn til 9.-plass.

Les også
Johannes skal gå for Morgedal IL
Les også
Avslutta sesongen på heimebane

Seljordingen Brynjar Heggelund Grave blei nummer to i M19/20. Han var 36 sekund bak Johannes Hammelow Fridlund frå Larvik. Andreplass blei det også på Torjus Tveiten Golid frå Nordbygdi i Seljord. Han var berre to sekund bak vinnaren, Arnt Fjelldal frå Svarstad.

Romjolsrenn

Også sundag var det renn i Vestfold. Ingerid Vadder var også då best i romjolsrennet. Ho vann framfor Nora Sofie Doksrød frå IL Runar. Klubbevenninne og nabo i Ordal, Gunnhild Kvålseth blei nummer tre blant 18-åringane.

Les også
Nå skal barndomsvenninnene Ingerid (16) og Gunhild (17) bu og trene saman

Torjus Tveiten Golid blei nummer tre i klassa si.