Onsdag blir det opna for besøk att på Norheimstunet

Kommunen bed pårørande kontakte personalet og informere om besøket.

I samband med utbrotet av covid-19 i Øvre Vinje har Norheimstunet vore stengt for besøk. No varslar kommunen at det blir opna for besøk att frå i morgon, onsdag.

«Me ynskjer at pårørande kontaktar personalet og informerer om besøket. Me oppfordrar besøkande om å registrere seg i besøksprotokoll. Det anbefalast god handhygiene og bruk av munnbind og avstand på to meter ved besøk. Opphald i fellesareal er ikkje tillate», skriv kommunen på heimesida der dei også minner om nasjonale tilrådingar om generelt redusert besøk fram til 18. januar.

Siste oppdaterte status i Vinje er at 17 personar busette i kommunen er stadfesta smitta. Kommunen har ingen informasjon om dei seks smitta som har opphalde seg på hytter i kommunen har reist heim, slik dei blei oppmoda om.