113 har fått tilbod om studieplass på Rauland
Universitetet i Søraust-Noreg (USN) sende førre veke ut 52 tilbod om studieplassar ved campus Rauland. Dette er tilbod i det nasjonale samordna opptaket, som for det meste har opptak til bachelor- og årsstudium.
Universitetet har tidlegare sendt ut 61 tilbod om studieplass i Rauland via lokalt opptak. Dei fleste av desse tilboda er til søkarar på masterstudiet i tradisjonskunst og til dei to deltidsstudia kreativ maskinstrikking og design samt redesign og saum av klede. Til det siste studiet vart det sendt ut 26 tilbod og ti står her på venteliste.
Til saman har 113 søkarar fått tilbod om plass ved campus Rauland i år. Ti står på venteliste.
Artikkelen held fram under annonsen.
Samordna opptak
Folkekunst: tre-metall-tekstil, årsstudium 20 tilbod
Folkekunst: tre-metall-tekstil, bachelor 14 tilbod
Folkemusikk, årsstudium 13 tilbud
Folkemusikk, bachelor 5 tilbod
Årsstudium i instrumentmaking blir ikkje tilbode i år.
Samla er det sendt ut 6905 tilbod om studieplass til alle campusar ved USN gjennom Samordna opptak og 4916 tilbod via lokalt opptak. Dette utgjer til saman 11 821 tilbod i dei to opptaka. Det er ein liten nedgang i frå tidligare år. Nedgangen er naturleg, sidan det nasjonalt var monaleg færre søkarar til høgare utdanning i år.
– At det er litt færre som får tilbod om studieplass enn dei siste årene, er som forventa. Svært høge søkartal under pandemien, ein veldig god arbeidsmarknad og søkkande årskull, er nærliggande forklaringar. På grunn av nedgang i søkartal, vil det i år vere noko lettare å kome inn på til dømes sjukepleie. Det reknar vi med at mange av søkarane våre er glade for. Vi gler oss til å gje dei gode og arbeidsrelevante utdanningar, seier viserektor for utdanning, Ingvild Marheim Larsen.
