Hevda han ønskte å hamne i arresten
Rundt klokka halv eitt i natt blei ein mann i 40-åra arrestert utanfor lensmannskontoret i Seljord. Mannen er busett i Midt-Telemark.
– Politiet i Seljord trefte på ein veldig rusa mann utanfor lensmannskontoret i natt. Han kom med trugsmål mot politiet, og urinerte offentleg. Han er også meldt for å ha brote pålegget frå politiet om å fjerne seg frå staden, seier førstepolitibetjent Else Eilefstjønn.
Artikkelen held fram under annonsen.
Eitt av trugsmåla mannen kom med var at han skulle slå ned politiet. Då han blei pågripen fortalde han politiet at han gjorde det fordi han ville bli sendt i arresten. Han fekk med andre ord ønsket sitt oppfylt.
#Seljord: En beruset mann, i 40 åra, ble pågrepet utenfor lennsmannskontoret, etter å ha truet en tjenestemann på stedet. Pågrepne hevdet selv at han kom med truslene fordi han ville i arrest.
— Politiet i Sør-Øst (@politietsorost)August 23, 2018
