Talet på konkursar i Noreg aukar

I tredje kvartal vart det opna 946 konkursar. Det er 13 prosent auke samanlikna med same periode i fjor.

Agder var det fylket med størst prosentvis oppgang, viser nye tal frå Statistisk sentralbyrå.

Her auka talet på konkursar med 76 prosent viser statistikken.

I Vestland, Innlandet, Møre og Romsdal og Rogaland gjekk talet på konkursar ned.

No etterlyser Regnskap Norge fortgang i forenklingane for næringslivet

– Regjeringa har dei siste åra overrumpla næringslivet med auka skattebyrder samtidig som konkursane aukar. Rekneskap Norge er bekymra for svekte rammevilkår for næringslivet, spesielt for dei små og mellomstore bedriftene, seier administrerande direktør Rune Aale-Hansen i ei pressemelding.

Han fortel samtidig at dei har overlevert ein forenklingsrapport som inneheld 36 forslag som kan spare næringslivet for 30 milliardar kroner.

– Det er ei tredobling av målet til regjeringa, fortel Regnskap Norge-direktøren.

(©NPK)