«Hengekøyemannen» er klar for festival: – Eg blir fyrstemann inn og sistemann ut
Stefan «Hengekøyemannen» Lyons er klar for Countryfestivalen i Seljord med bilen full av nødvendig utstyr.
Opphavleg frå London, men med familie og barnebarn i Noreg, køyrer Stefan rundt og opplever ymse festivalar og marknadar i sommar. Bilen er full av handvove hengekøyer og cowboyhattar til ein kvar smak.
– Eg har vove hattar, hattar av beste skinn og hattar laga av lastebil-presenning for dei som bryr seg om gjenbruk.
Artikkelen held fram under annonsen.
Etter ein stopp innom Mjonøy Bakeri og Camping går vegen vidare til Seljord alt i dag tysdag.
– Eg blir fyrstemann inn og sistemann ut, smiler han.
