Kristin er ny bladfyk i VTB

– Eg synest det er veldig spennande å bli betre kjent med distriktet og nye folk. Det er fantastisk mykje fin natur her i Vest-Telemark, og eg er veldig glad i å gå i fjellet. Eg har gått mykje på Lifjell, men nå gler eg meg til å bli betre kjent med fjella lenger vest, fortel Tangen Tolo. 

Fram til i vår arbeidde ho som journalist i Varden, der ho har vore tilsett i tre år. Men i vår valde ho altså å søke på ny jobb i Vest-Telemark blad. Tangen Tolo er utdanna lærar, og har  om lag tjue år erfaring som lærar i grunnskulen. Ho vaks opp på Gvarv, men bur i Bø. 

Nå gler ho seg til å bli betre kjent med Vest-Telemark.

– Eg har mange venner og kjente i Vest-Telemark, besteforeldre frå Fjågesund, og har også vore her ein del som journalist i Varden. Eg har dessutan høyrt mykje positivt om gjengen i  VTB, fortel ho.

– Eg synest det er veldig moro, utfordrande og spennande å arbeide som journalist. Eg likar nye utfordringar, seier Tangen Tolo, som skal jobbe i full stilling i VTB.