Mann frå Vinje omkom i trafikkulykke
Det var ein mann i slutten av tenåra frå Vinje kommune som mista livet i ei trafikkulykke på Rv36 i Nome laurdagsmorgonen.
Politiet melde om ulykka, som skjedde på Rv36 ved Sannerholttunnelen, klokka 6.40 laurdagsmorgonen. Det skal ha vore ei front mot front-ulykke. Tre personar var involverte i ulykka. Politiet stadfesta at ein mann mista livet. Pårørande er varsla.
– Den omkomne var frå Vest-Telemark, opplyser innsatsleiar Tor Einar Bakken i Sør-Aust politidistrikt til NRK.
Artikkelen held fram under annonsen.
Til VTB stadfestar Sigrid Dahl, politistasjonssjef i Midt- og Vest-Telemark, at mannen var frå Vinje kommune.
Dei to andre i ulykka skal ha blitt frakta til sjukehuset i Skien. Skadeomfanget er ikkje kjent. Begge skal ha vore bevisste.
Ulykkesgruppa til Statens vegvesen er på staden. Politiet jobbar med åstadsundersøkingar.