Inviterer til møte om etterlengta gang- og sykkelveg
Statens vegvesen inviterer til informasjonsmøte om gang- og sykkelveg mellom Kvitsund og Kviteseidkrysset.
Statens vegvesen varslar i samarbeid med Kviteseid kommune oppstart for planarbeidet for reguleringsplanen av gang- og sykkelveg langs Kviteseidvegen (Rv41). Den nye gang- og sykkelvegen skal gjera det tryggare for gåande og syklande frå Kvitsund gymnas til Kviteseidkrysset.
Det blir invitert til informasjonsmøte på Kvitsund gymnas torsdag 2. februar.
Artikkelen held fram under annonsen.
Dette er ei særs etterlengta melding for kviteseidingane som har venta lenge.
– Då eg bygde hus langs Rv41 for 32 år sidan fekk eg beskjed om at det var nærståande planar om å bygge g/s-veg her, sa Halvor Nyland til Helge Orten (H), dåverande leiar av transportkomiteen på Stortinget i 2019. Sidan då har det gått ytterlegare tre år.
I varslet frå Vegvesenet kjem det også fram at det blir planlagt for utbetring av Kviteseidkrysset. Det blir ikkje presentert kva løysing som er tenkt.
