Fornøgde debutantar: Halvor Hylland (t.v.) og Viljar Kaasa Barstad frå Vinje IL gjekk skiorientering for fyrste gong. Dei var to av til saman trettisju deltakarar frå Vinje IL i dei opne klassene laurdag. Vinbyggjane utgjorde med det nesten halvparten av dei totalt åtti deltakarane i dei opne klassene.
Åshild Emma Solbjør
Trettisju frå nabobygda stilte til start NM-laurdagen. – Det var litt mjukt i skuterlåmene, men det gjekk bra
I Høydalsmo er langrennsløypene oversådd med eit nettverk av skuterlåmer og drøssevis av oransje og kvite postar, og denne helga har kring fem hundre orienteringsløparar spent på seg skia for å finne dei.
– Det var litt mjukt i skuterlåmene, så det glapp litt, men det gjekk bra, seier Halvor Hylland frå Vinje IL etter å ha kome seg over målstreken på skistadionen ved Høydalsmo skule.
– Og så var det litt kaldt, legg kameraten Viljar Kaasa Barstad til.
Det er fyrste gongen dei to gutane prøver skiorientering, og begge er einige om at det var veldig moro. Dei er ikkje åleine om å ta turen over Grønliheia; heile trettisju frå Vinje IL stiller til start i dei opne klassene laurdag.
5 veker - 5 kr
Deretter 189 per månad
Inga binding
KJØP
