Skiskyttarlaget har hatt mange gode løparar opp gjennom åra. Nå er fleire på gang

– Me har 13 rekruttar i år, og i tillegg har me ein utøvar i junior- og ein i seniorklassen. Det er ganske så bra med tanke på at dei fleste klubbane og krinsane har monaleg færre utøvarar enn for nokre år sidan. Skiskyting står sterkt i Fyresdal og Tokke, som me òg rekrutterer løparar frå. Det same gjeld Nissedal, sjølv om me har hatt færre frå det området etter at eg kom inn i skiskyttargruppa for nokre år sidan, seier Nils Kristian Moe til VTB.

Det var skiskyttarinteresserte ungar som fekk han til å engasjere seg. I dag er Moe leiar i det aktive skiskyttarlaget som gjennom åra har fostra mange gode skiskyttarar. Det er først og fremst det gode miljøet som har gjort at Fyresdal skiskyttarlag over tid har hatt størst aktivitet i Telemark. I dag er det berre Heddal som er større enn fyresdølane. Det var 27 personar som gjekk rundt i klubbens tekstilar i Holmenkollen sist helg.

Viktig å investere i miljøet