Tilbake: 32-åringen frå Høydalsmo er klar for sesongdebut i verdscupen til helga. Foto: Randi Berdal Hagen

Krog klar for sesongdebut

Magnus Krog fekk dei svara han ville i hoppbakken. No gler han seg til å delta i verdscupen att.

32-åringen frå Høydalsmo er blant dei åtte kombinertutøvarane skiforbundet har tatt ut til helgas renn i Val di Fiemme.

– Det blir bra med renn igjen. Eg gler meg til sesongdebut etter å ha fylgd dei første renna framom TV-en. Forma er eg selvfølgeleg spent på, men eg har fått god matching på treningane. Nivået er det ikkje noko å seie på. Det har rett og slett vore imponerande å følge lagkameratane i sesongstarten, og eg veit kva som skal til for å kjempe i toppen, seier Krog til skiforbundets heimeside.

Fram til nyttår leiar Noreg nasjonscupen suverent. Det er dobbelt norsk i toppen. Jarl Magnus Riiber leiar verdscupen framfor Jørgen Graabak, medan Jens Lurås Oftebro og Espen Bjørnstad ligg på fjerde- og femteplass.

Det er individuelt renn fredag og laurdag i Val di Fiemme, og teamsprint sundag.