Får ros av trenaren: – Etter mi meining held ho bra eliteserienivå

Lindland har hovudansvaret for den offensive kvinnefotballsatsinga i Hønefoss Ballklubb. Han kom til Ringerike før 2021-sesongen, og har vore Vadder Sandlands trenar dei siste fire åra. Suksesstrenaren legg ikkje skjul på at han er svært nøgd med Ingers treningsiver og utviklingskurve. Høydalsmo-jenta er eit bevis på at også spelarar som har vore med lenge, kan utvikle seg mykje så lenge dei jobbar hardt.

– Inger får resultat av arbeidet ho legg ned på treningsfeltet. Ho stiller store krav til seg sjølv og er villig til å arbeide hardt for å nå måla ho set seg. Det får ho betalt for i form av utvikling og gode prestasjonar, seier trenar Lindland til VTB.

Han meiner det ikkje er tilfeldig at ho er ein av lagets mestscorande spelarar i serien. Heller ikkje at ho er den som har flest målgivande pasningar.