Eivind måtte ta nokre tøffe val då han bestemte seg

I sitt første ordentlege renn på seniornivå, leverte Fyresdal-skiskyttaren frå Dalen solide prestasjonar med ni treff på skytinga og eit sterkt langrenn. Farta var så høg at fleire av landslagsløparane måtte gi tapt. OL-vinnar Tarjei Bø blei slått av den målbevisste 22-åringen, og det same måtte Johannes Dahle, som er verdsmeister og har fleire pallplasseringar i verdscupen. Eivind kunne med god grunn vere nøgd med ein 25.-plass.

– Eg håpte at eg på ein god dag kunne klare å kome blant dei 30 beste. Eg visste at alt måtte klaffe for at det skulle vere mogleg, og det gjorde det på sett og vis, sjølv om eg ikkje var heilt nøgd med liggjandeskytinga. Eg fekk ein bom og brukte for lang tid på serien. I seniorklassa blir det skote mykje raskare utan at det går utover treffprosenten, så der har eg noko å jobbe med, seier Eivind.

Valde å bli på Lillehammer