Deltok i verdas største alpine barneskirenn
Mikkel Groven-Robertsen og Erlend Hansen Slettemeås frå Seljord var blant deltakarane då verdas største alpine barneskirenn blei arrangert for 18. gong i Ål.
Groven-Robertsen som køyrer for Skarphedin IL i G11-klassa, hevda seg i både super G, slalåm og storslalåm. Han blei høvesvis nummer 4, 6 og 7 i dei ulike disiplinane. Heile 99 unge alpinistar deltok i klassa.
Erlend Hansen Slettemeås køyrer i 12-årsklassa. Han blei nummer 27 i super G og 28 i storslalåm. I slalåmen sundag køyrde han ut.
Artikkelen held fram under annonsen.
Totalt var det sju representantar frå Vestfold og Telemark som deltok: Henny Soterud, Vilde Sofie Soterud, Henry Ellegård-Jacobsen, Matilde Espedalen, Trym Espedalen, Mikkel Groven-Robertsen og Erlend Hansen Slettemeås.
I tillegg var Kragerøgutane Aksel Kjellerød og Joachim Kjellerød (representerer Arendal) på start, samt Notoddenjenta Amelia Vasbotten (representerer Kongsberg).
Fokuset under heile festivalen var skiglede, samhald og venskap. Atle Lie McGrath, som er i verdstoppen i slalåm, var til stades heile laurdagsføremiddagen og på premieutdelinga på kvelden. Han snakka varmt om lagand i landslaget og kor viktig det er å heile kvarandre fram, informerer Pia Groven-Robertsen, som sit i alpinkomiteen i Vestfold og Telemark skikrins.
