annonse

Ynskjer jolepynt i sentrum

Sentrum
Sentrum: Formannskapet avgjer om det blir ljosdekorasjonar i Åmot sentrum i jola. (Foto: Randi Berdal Hagen)

ÅMOT: Rådmannen i Vinje vil bruke 50 000 kroner på å utbetre ljosmastene i Åmot sentrum, slik at dei kan nyttast til ljosdekorasjonar til jol.

Olav Åsen Haugsgjerd

Rådmannen i Vinje gjer framlegg om å løyve 50 000 kroner i stønad til Vinje næringslag for å utbetre ljosmaster i Åmot sentrum.

– For nokre år sidan fekk næringslaget i Åmot montert kontaktar til uttak for dekorasjonar, til dømes til jol, på ljosmastene langs E134. På desse er det no kome ei liste med avvik og jordfeil frå Statens vegvesen. Det kjem på om lag 3 000 kroner per mast å utbetre dette, og det drier seg om 12 master, slik at det totalt vert om lag kr 50 000 i utgift for laget, står det i saksutgreiinga.

– Næringslaget vurderte dette som for dyrt og ville berre la det vera, noko som kom næringssjefen for øyro. Rådmannen meiner det er trasig om ikkje det blir jolepynt i sentrum i Åmot, og vil med dette gjera forslag om at Vinje kommune kan gje ei eingongsstøtte på 50 000 kroner til næringslaget, for å få dette i orden.

Formannskapet tek stilling til saka fyrstkomande torsdag.

Klikk for å sjå kommentarar ()

Her kan du fritt komme med synspunkt og informasjon. Me krev fullt namn. Då blir det meir interessant for andre å lese det du skriv. Trakassering, truslar, hatske meldingar eller reklame aksepterasr ikkje på vtb. Falske profilar blir utestengt. Ver sakleg og vis respekt når du kommenterar.

annonse