Sjå heile sendinga frå valkvelden her
Frå klokka 20 i kveld sender VTB-TV direkte frå studio i Kviteseid.
I Nissedal og Kviteseid blir det heilt sikkert nye ordførarar. Men kven? Gjev veljarane i Fyresdal Erik Skjervagen tillit for fjerde gong? Kva betyr dei to nye partia i Vinje for valresultatet? Held Sp og MDG i Tokke fram samarbeidet i posisjon? Kan Solveig Sundbø Abrahamsen ta tilbake klubba i Seljord ti år etter at ho drog til Stortinget?
Lineær-TV på NRK eller TV2 står støtt i landet valkvelden. Men i dag oppmodar me VTB-abonnentane til å i alle fall ha lokalavisa på fanget. Logg deg på på telefonen, nettbrettet eller datamaskina for å halde deg oppdatert på resultata og reaksjonane frå dei politikarar i alle dei seks kommunane.
Artikkelen held fram under annonsen.
Til å fylgje valkvelden i Vest-Telemark får me med oss Johs Apold – den mangeårige NRK-journalisten som faktisk jobba i Vest-Telemark blad på 80-talet.
Me får dessutan besøk i studio i Kviteseid av fleire politikarar, og har journalistar som rapporterer frå dei ulike valvakene rundt om i regionen.
Resultata vil bli lagt inn i oversikten under fortløpande frå klokka 21. Oversikten er levert av NTB, og me beklagar at teksten er på bokmål.
