Kommunedirektøren i Fyresdal ville gje 350 000 kroner i investeringstilskot til fjøset som Anja Pedersen og Terje Hunemo skal bygge. Fjøset skal huse om lag 40 ammekyr. Ordføraren meinte satsinga på kort sikt ville gje null arbeidsplassar, og fekk med seg formannskapet på å redusere tilskotet frå dei 350 tusen kommunedirektøren føreslo, til 150 tusen kroner.
– Det er null lønsemd i oppbygging av ammekyr, kvifor skal me støtte ulønsam verksemd i Fyresdal, uttala ordførar Erik Skjervagen då formannskapet behandla saka.
Det reagerte Hunemo sterkt på. Han blei sjokkert av det politiske ordskiftet.
