Har stoppa lekkasjen, men barnehage og skule blir truleg utan vatn i morgon tidleg

Klokka 20 måndag kveld blei det oppdaga ein stor vasslekkasje bak Tussejuv barnehage i Seljord. Lekkasjen er nå stoppa.

– Tussejuv barnehage og ungdomsskulen blir truleg utan vatn i morgon tidleg (tysdag), opplyser Torunn Raftevold Rue, kommunalsjef for samfunnsutvikling og drift, til VTB like etter klokka 21.

Teknisk jobbar vidare med ei løysing. I tillegg er ein abonnent råka. Denne vil få tilkøyrd vatn nå i kveld.

Lekkasjen blei oppdaga ved 20-tida. Teknisk drift rykte ut med mannskap. Det fossa ut vatn av Bringsås høgdebasseng.

I den fyrste meldinga frå kommunen blei det informert om at lekkasjen kunne få konsekvensar for mellom anna DPS, folkehøgskulen, Heddeli barnehage, Nordbygdiområdet, Loftgardsgrendi, Meås og andre.