Stor pågang ved Kirkens SOS i sommar

Fleire einsame og personar med psykiske lidingar enn elles oppsøkjer Kirkens SOS i ferien. Sist veke fekk dei 6.200 førespurnader på telefon, melding og chat.

I dei tre tidlegare vekene var talet på førespurnader rundt 5.500 kvar veke.

Dei fleste førespurnadene førre veke kom på telefon. Telefontenesta har i ferien hatt ein auke på 30 prosent i talet på innkomne førespurnader, samanlikna med perioden januar til mai.

– Kirkens SOS blir kontakta av menneske med psykiske lidingar, relasjonsproblem, einsemd, sorg, rusproblem og sjølvmordstankar. Ein del barn og unge melder òg om mobbing og overgrep, seier generalsekretær Lasse Heimdal.

Mykje tyder på at kontrasten mellom eige liv og andres tilsynelatande lykkelege liv verkar større i feriar og høgtidar, ifølgje Heimdal.

(©NPK)