Stenger vegen mellom Seljord og Bø att 1. desember
Rv36 blir igjen stengt for trafikk mellom Sanden camping og vidare mot Seljord i samband med utbygginga av Buktiparsellen.
– Vegen vert halde stengd samanhengande i fem månader og opnar igjen 1. mai 2021, melder Statens vegvesen i ei pressemelding.
Årsaka til stenginga er omfattande sprengningsarbeid og dessutan arbeid med ny veg som vil krysse dagens veg i anna høgde.
Personbilar må køyre på vestsida av Seljordsvatnet, om Garvikstrondi. Tunge køyretøy må bruke E134 om Notodden og Hjartdal som omkøyringsveg.
Dei som bur nærast blir varsla med SMS i god tid før sprengingsarbeid. Hus- og hytteeigarar i anleggsområdet er oppmoda til å ta kontakt med entreprenør for å gjere seg kjent med tilhøva.
Dette er siste stengeperiode på prosjekt Rv36 Bø-Seljord. Stodiparsellen er ferdig og vegen har vore open sidan 1. mai 2020.
