Ståle (28) frå Høydalsmo sørgjer for norsk gullglid i VM. – Eg har vore interessert i skismørjing sidan eg var 12

– Det er utruleg moro å få bidra til at det har blitt så mange medaljar og jubel. Me kom hit med forventningar om at det skulle vere mogleg å prestere. Det gjer du gjerne når du har ein så sigersvandt utøvar som Jarl Magnus Riiber i troppen. Den siste verdscuphelga var alt anna enn oppløftande, så det var spenning då meisterskapen starta. Eg må vere så ærleg å seie at det har gått betre enn forventa, seier Moen Lid.

Vesttelen er sterkt delaktig i at dette kan bli tidenes VM for ein norsk kombinerttropp, dersom gutane held fram i same sporet. Det er framleis to øvingar igjen. Torsdag er det lagkonkurranse, og laurdag skal det vere «Gundersen-konkurranse» individuelt – det vil seie hopping i stor bakke og langrenn etterpå. Ståle og dei seks smørekollegaene har framleis ein viktig jobb å gjere før dei kan kome seg ut av smørebua og senke skuldrene.

Utfordrande vêr- og føreforhold