Samferdselsministeren på besøk i Kviteseid og Nissedal
Samferdselsminister Knut Arild Hareide køyrer i dag Rv41 – Telemarksvegen.
Klokka 10.30 helsa ordførar Bjørn Nordskog i Kviteseid og lokalpolitikar Tarjei Draugedal frå KrF Hareide velkomen. I Kviteseid var mellom anna gang- og sykkelveg tema. På agendaen var også at Statens vegvesen set krav om gang- og sykkelveg i samband med byggjefeltet Stålandsåsen.
I Kviteseid blei det også ein tur innom Kvitsund før turen gjekk vidare til Vrådal og deretter vidare på Rv41 til Nissedal.
Artikkelen held fram under annonsen.
Samferdselsministeren vil også vera med når Nissedal KrF feirar 75-årsjubileum i fleirbrukshuset i Treungen i kveld.
